कास्की पोखरा–२५, हेमजामा रहेको किसान बहुउद्देश्यीय सहकारी संस्था लि।को २३ औँ वार्षिक साधारण सभा शनिवार सम्पन्न भएको छ । संस्थाका अध्यक्ष मोतीराम तिम्सिनाको अध्यक्षता तथा जिल्ला सहकारी संघका अध्यक्ष दीपक बास्तोलाको प्रमुख आतिथ्यमा सभा सम्पन्न भएको हो ।
सभालाई सम्बोधन गर्दै बास्तोलाले पछिल्लो समय सहकारीमा देखिएका समस्या र त्यसको समाधानको लागि जिल्ला सहकारीले विभिन्न चरणमा खेलेको भूमिका माथि प्रकाश पार्दै सहकारी संस्थाहरूले आर्थिक गतिविधिलाई पारदर्शी रूपमा चलायमान गर्दै समाज र सेयर सदस्य हितका गतिविधिहरूलाई प्राथमिकता दिनुपर्नेमा जोड्दिनु भयो ।
सो अवसरमा अध्यक्ष,सचिव,कोषाध्यक्ष,लेखा समितिको प्रतिवेदन,ऋण उपसमितिको प्रतिवेदन,शिक्षा उपसमितिको प्रतिवदन माथि मेलाले छलफल तथा अनुमोदन गरेको थियो ।
कार्यक्रममा संस्थाका ७५ वर्ष माथिका ज्येष्ठ सेयर सदस्य,शैक्षिक क्षेत्रमा उत्कृष्टता हासिल गरेका सदस्यका छोराछोरीहरू, संस्थाका विभिन्न गतिविधिहरूमा सक्रिय रुपमा भाग लिई संस्थाको हितमा उल्लेखनीय योगदान पु¥याउनु भएका विभिन्न दूध किसान,सङ्कलक,कृषि पसल, बचत तथा ऋण कारोबार तर्फ नियमित तथा उत्कृष्ट कारोबार गर्ने संस्था एवं व्यत्तित्वहरुलाई कार्यक्रमका बिच अबिर,दोसल्ला र प्रमाणपत्रका साथ सम्मान गरिएको व्यवस्थापक हरि त्रिपाठीले जानकारी दिनु भयो ।
विद्यार्थी सम्मानमा केशवराज पौडेल, प्रतिभा बचगाई,सविना तिमिल्सना,कविता कुमारी कार्की , अभिषेक अधिकारी र दुर्गा कुमारी श्रेष्ठ सम्मानित भएका थिए । सांस्कृतिक तर्फ सांस्कृतिक उपसमितिको पहलमा देवीस्थान भजन समूहलाई सम्मान गरियो । कृषि तर्फ कृष्ण तिमिल्सिना,शोभा भण्डारी कार्की, जोन तामाङ, विष्णु प्रसाद सुवेदी जैसी,सरिता कार्की कुवर, लक्ष्मी कुवर, कृष्ण प्रसाद पौडेल, दिननाथ त्रिपाठी सम्मानित भए । बचत तथा ऋण तर्फ उत्कृष्ट बचतकर्तामा गीता कुमारी के।सी र दैनिक बचतकर्तामा सरस्वती चापागाईँ,बालबचतकर्तामा कृष्विन अधिकारी,उत्कृष्ट ग्राही नारनदेवी चोचाङ्गगी मगर र कर्मचारीमा शान्ति कँडेल सम्मानित भए ।
संस्थाका अध्यक्ष मोतीराम तिम्सिनाको अध्यक्षतामा सम्पन्न कार्यक्रमको स्वागत सञ्चालक समिति उपाध्यक्ष भगवती बचगाईले र सञ्चालन सचिव बुदि प्रसाद बास्तोलाले गर्नुभयो ।
