पोखरा । हिमालय बचत तथा ऋण सहकारी संस्था लिमिटेड पोखरा–२५ हेमजाले खुल्ला रक्तदान कार्यक्रम सम्पन्न गरेको छ ।
संस्थाको १३ औँ वार्षिकोत्सवको अवसरमा आइतबार आयोजना गरेको खुल्ला रक्तदान कार्यक्रममा ४० जना रक्तदाताले रक्तदान गरेको संस्थाका उपाध्यक्ष चन्द्र प्रसाद सुवेदीले जानकारी दिए ।
कार्यक्रमको उद्घाटन गर्दै प्रमुख अतिथि पोखरा महानगरका प्रवक्ता एवम् पोखरा महानगर पालिका वडा नं. २५ का वडा अध्यक्ष मोतीलाल तिम्सिनाले रक्तदानले रगत अभावलाई परिपूर्ति गर्ने बताए ।
कार्यक्रममा कास्की बचत संघका सचिव मिनराज तिम्सिना, हेमजा बचत तथा ऋण सहकारी संस्थाका अध्यक्ष रामचन्द्र त्रिपाठी, हिमालय बचत तथा ऋण सहकारी संस्थाका सल्लाहकार माधाव शरण पौडेल, शिक्षा समिति संयोजक दीपक त्रिपाठी, हेमजा रेडक्रस सोसाइटी उपाध्यक्ष टेक माया अधिकारी लगायतले बोलेका थिए ।
हिमालय बचत तथा ऋण सहकारी संस्थाका अध्यक्ष मेघराज त्रिपाठीको अध्यक्षतामा भएको कार्यक्रमको सहजीकरण व्यवस्थापक वसन्त दाहाले र सञ्चालन सचिव भरतराज अधिकारीले गरेका थिए ।
